Pieršaja łedzi Zimbabve — Łukašenku: Vy nie tolki baćka, vy — maci
Praciahvajecca vizit Aksilii Mnanhahve ŭ Biełaruś. Siońnia jana sustrełasia z Alaksandram Łukašenkam.
11.04.2023 / 12:53
Fota: president.gov.by
Pieršaja łedzi Zimbabve Aksilija Mnanhahva paźniej padzialiłasia padrabiaznaściami sustrečy z Alaksandram Łukašenkam, padčas jakoj, pavodle jaje, «nie było zakrytych tem», piša BiełTA.
«U nas prajšła vydatnaja sustreča. Tak atrymałasia, što pamiž nami nie było zusim nivodnaj zakrytaj temy. Ja adčuvała siabie absalutna jak doma. My abmiarkoŭvali absalutna ŭsio. I ciapier ja baču, što naša supracoŭnictva budzie iści napierad. Tamu što ŭ jaho jość adna važnaja reč, jakaja jość i ŭ nas. Jon umieje i hatovy pracavać ciažka i doŭha», — skazała Aksilija Mnanhahva.
U Biełarusi na praciahu tydnia jana naviedała roznyja ŭstanovy achovy zdaroŭja, kab paśla «pieraniać vopyt i technałohii, jakija vielmi zapatrabavanyja ŭ Zimbabve».
Aksilija Mnanhahva padkreśliła tuju ŭvahu, jakuju, pavodle jaje, Łukašenka nadaje raźvićciu hetaj śfiery ŭ Biełarusi: «Ja bačyła, jaki kłopat jon prajaŭlaje ab svajoj krainie, ab svaim narodzie. My bačyli, jak kłapociacca pra dzietak u balnicy. Mienavita tamu ja jamu skazała: «Spadar prezident, dazvolcie vam skazać, što vy nie tolki baćka — vy i maci dla svajoj krainy».
Aksilija Mnanhahva ličyć, što vizit Alaksandra Łukašenki ŭ Zimbabve byŭ sapraŭdy histaryčnym. «Ludzi ŭ našaj krainie dahetul jaho pamiatajuć. My byli vielmi rady prymać u Zimbabve», — skazała jana.
Čytajcie taksama:
Aksilija Mnanhahva ŭ Minsku havaryła słovami Natalli Kačanavaj