Tramp nazvaŭ Si Czińpina, Pucina i Kim Čen Yna najrazumniejšymi ludźmi
Tramp nazvaŭ kitajskaha lidara «pieršakłasnym čałaviekam i najlepšym u svajoj hulni». U takim ža klučy jon adazvaŭsia pra prezidenta Rasii i kiraŭnika KNDR.
12.04.2023 / 08:38
Na pytańnie žurnalista Fox News, nakolki razumny Si Czińpin, Tramp adkazaŭ: «Najlepšy ŭ svaim rodzie».
«Jon pieršakłasny čałaviek i najlepšy ŭ svajoj hulni», — skazaŭ były amierykanski lidar. Jon taksama acharaktaryzavaŭ jaho jak «bliskučaha čałavieka». U Halivudzie niemahčyma znajści nikoha na rolu Si Czińpina, bo «takich ludziej, jak jon, niama», adznačyŭ eks-prezident.
U takim ža klučy Tramp adazvaŭsia pra Pucina i Kim Čen Yna. Pra apošniaha jon dadaŭ, što toj pryjšoŭ da ŭłady maładym i maje poŭny kantrol nad krainaj.
Uvosień minułaha hoda Tramp nazyvaŭ Pucina i Si Czińpina «žorstkimi». Jon taksama kazaŭ, što kitajski lidar razumny i kiruje Kitajem «žaleznym kułakom».