U sieryjale pra «Pieśniaroŭ» zabluryli sceny z akcioram-kupałaŭcam. Prosta pahladzicie na hetyja kadry
Rasijska-biełaruski sieryjał «Za paŭhadziny da viasny» pra muzyku Uładzimira Mulavina i saviecki ansambl «Pieśniary» zacenzuravaŭ «niapravilnaha» akciora i zrabiŭ ź jaho pryvidnaha barabanščyka.
12.04.2023 / 20:34
Skrynšoty sieryjała tut i dalej pradstaŭleny kupałaŭcami
Pryvidny barabanščyk na zadnim płanie — akcior Dźmitryj Jesianievič
U sieryjale źniaŭsia akcior Kupałaŭskaha teatra Dźmitryj Jesianievič, jaki paśla vybaraŭ 2020-ha zvolniŭsia z teatra i dałučyŭsia da «volnych kupałaŭcaŭ». Paśla jon trapiŭ u «čorny śpis» Minkulta.
Jesianievič hraŭ u sieryjale barabanščyka kalektyvu Alaksandra Dziamiešku.
Ale ŭ finalnych kadrach zrabili tak, kab jaho było jak mieniej zaŭvažna. Blurylisia navat asobnyja bujnyja płany.
Raniej Jesianieviča i Hieorhija Piatrenku prybrali z afišy sieryjała.
Jość viersija, što film adcenzuravali, kab atrymać u Minkulta dazvoł na pakaz u Biełarusi. U Rasii sieryjał pakazvajuć na «Pieršym kanale» i płatformie Start.