Prezident Litvy nakłaŭ vieta na zakon ab abmiežavańniach dla hramadzian Biełarusi i RF i prapanavaŭ takija ž abmiežavańni dla biełarusaŭ
Hitanas Naŭsieda zajaviŭ, što nakłaŭ vieta na pryniaty Siejmam zakon ab nacyjanalnych abmiežavańniach dla hramadzian Rasii i Biełarusi, i pradstaviŭ svaje prapanovy, paviedamiła Delfi. Takim čynam, zakon viartajecca ŭ Sojm na paŭtorny razhlad.
14.04.2023 / 15:49
Pa słovach Naŭsiedy, niama padstaŭ ustaloŭvać roznaje pravavoje rehulavańnie dla hramadzian dźviuch dziaržaŭ-ahresaraŭ, i prapanuje prymianić adnolkavyja abmiežavalnyja miery da hramadzian abiedźviuch dziaržaŭ.
«Z punktu hledžańnia nacyjanalnaj biaśpieki, Litvy niama padstaŭ dla roznaj acenki hramadzian Biełarusi i Rasii», — skazaŭ Naŭsieda.
U svaim ukazie Naŭsieda prapanuje Siejmu całkam prymianić usie 7 roznych abmiežavalnych mier da hramadzian RF i Biełarusi.
Akramia taho, vieta prapanuje zamacavać u zakonie ab abmiežavalnych mierach pravavy miechanizm, jaki b spraściŭ praceduru anulavańnia ŭžo vydadzienych viz i VNŽ/PMŽ, a taksama palehčyŭ departacyju asob, jakija parušyli zakanadaŭstva ab mižnarodnych sankcyjach abo abmiežavalnych mierach, ź Litvy.
Čytajcie taksama:
Litva padaść na Biełaruś u Mižnarodny sud za pravakavańnie mihranckaha kryzisu
U Litvie chočuć abaviazać publičnych asob dekłaravać suviazi ź Biełarussiu i Rasijaj