U Breście zatrymali byłoha palitviaźnia. Jon staŭ achviaraj fejkavaj rassyłki siłavikoŭ
U Breście zatrymali čarhovuju achviaru fejkavaj rassyłki nibyta ad płana «Pieramoha» Ramana Jachina. Uradženca Baku siłaviki nazvali «isłamistam-radykałam», piša «Viasna».
17.04.2023 / 15:05
Na videa, źniatym ciłavikami, były palitviazień kaža, što zatrymany za raspaŭsiudžvańnie ekstremisckich materyjałaŭ, ale pierad hetym jon raspaviadaje, što pierajšoŭ pa fejkavaj spasyłcy nibyta ad płana «Pieramoha».
Na videa jon taksama kaža, što pisaŭ u Połk Kalinoŭskaha słovy padtrymki i što raniej zadumvaŭsia pra toje, kab dałučycca da bajcoŭ, ale z-za stanu zdaroŭja nie zrabiŭ hetaha.
U svaim dopisie siłaviki nazvali ŭradženca Baku «isłamistam-radykałam».
Paviedamlajecca, što Raman Jachin zatrymany pavodle č. 3 art. 361-1 (stvareńnie ekstremisckaha farmavańnia abo ŭdzieł u im).
Raniej Jachin byŭ asudžany da 2 hadoŭ «chatniaj chimii» pa bresckaj «spravie karahodaŭ».