Skarynaŭskaja biblijateka ŭ Łondanie aličboŭvaje ŭnikalny fotaalbom z etnahrafičnaj ekśpiedycyi Vacłava Łastoŭskaha
Biełaruskaja biblijateka i muziej imia Franciška Skaryny ŭ Łondanie raspačała aličboŭku ŭnikalnaha fotaalboma z etnahrafičnaj ekśpiedycyi pad kiraŭnictvam Vacłava Łastoŭskaha 1928 hoda, paviedamili supracoŭniki biblijateki ŭ sacyjalnych sietkach ustanovy.
17.04.2023 / 23:01
U albomie kala 270 zdymkaŭ materyjalnaj kultury, jakaja zbolšaha nie zachavałasia da našaha času — draŭlanaja architektura, pradmiety pobytu, narodnyja stroi, tkactva, raźba pa drevie i h. d.
Upieršyniu albom «adkryŭ» śvietu Adam Maldzis, kali patrapiŭ papracavać u «Skarynaŭku» ŭ 1980-ja hady. Jon pryvioz z saboj u Minsk mikrafilm sa zdymkami z alboma, jaki ŭ vyniku apynuŭsia ŭ centralnaj biblijatecy Akademii navuk u Minsku.
«Chutka možna budzie pabačyć zdymki i pahartać albom i biez brytanskaj vizy», — anansuje padzieju Biełaruskaja biblijateka i muziej imia Franciška Skaryny.
Čytajcie taksama:
A vy viedajecie, što takoje drynda?
Homielskaja jeparchija vykupiła na aŭkcyjonie dakumient pa historyi Homiela XVII stahodździa