Reziervist, pamierły pad Baranavičami, padaviŭsia kavałkam sała — Hrodna.Life
Pavodle infarmacyi vydańnia Hrodna.Life, reziervist, pra śmierć jakoha padčas zboraŭ na palihonie Abuz-Lasnoŭski pad Baranavičami paviedamlali ŭčora ŭviečary, sapraŭdy pamior. A pryčyna śmierci davoli niečakanaja.
18.04.2023 / 19:11
Pavodle infarmacyi, atrymanaj ad udzielnikaŭ zboraŭ, čałaviek padaviŭsia, mierkavana — kavałkam sała.
Piersanalnyja danyja reziervista, pryzvanaha ŭ 11-ju miechanizavanuju bryhadu ŭ Słonimie, pakul što nieviadomyja. Jaho nibyta sprabavali reanimavać, kab ačyścić dychalnyja šlachi, ale biespaśpiachova.
Ministerstva abarony pra hety vypadak pakul nie paviedamlała, ale ŭskosna infarmacyju, na dumku Hrodna.Life, pacvierdziŭ adyjozny kanał «Žiełtyje słivy», jaki napisaŭ:
«Reč u tym, što kali ŭ siłavych viedamstvach zdarajecca niaščaście, spaborničać u padačy infarmacyi pra hety fakt z ekstremistami… nichto nie źbirajecca. <…> Usia infarmacyja ŭ padobnych vypadkach moža raspaŭsiudžvacca tolki z dazvołu rodnych i blizkich, asabliva, kali pryčyny nie źviazanyja z prachodžańniem słužby…»
Čytajcie taksama:
Na vajskovych zborach pad Baranavičami pamior reziervist, paviedamlaje «MotolkoPomohi»
Minabarony raskazała, kali viernucca dadomu pryzvanyja na zbory. Jašče nie chutka