Bałharyja ŭviała zabaronu na ŭvoz ukrainskaha zbožža, Vienhryja zabaraniła jašče niekalki vidaŭ sielhaspradukcyi
Bałharyja ŭviała časovuju zabaronu na ŭvoz ukrainskaha zbožža, akramia tranzitu, abviaściŭ v.a. abaviazki premjer-ministra Hyłyb Donieŭ, paviedamlaje Bi-bi-si.
19.04.2023 / 14:20
«Za apošni hod značnaja kolkaść praduktaŭ zastałasia ŭ krainie i parušyła charčovyja łancužki», — zajaviŭ jon.
«My vymušany pryniać hetuju nacyjanalnuju mieru, tamu što jeŭrapiejskija ŭłady ŭsio jašče dumajuć nad adekvatnaj mieraj», —skazaŭ premjer-ministr.
Jon padkreśliŭ, što Bałharyja zastajecca salidarnaj z Ukrainaj, ale «bankructva bałharskich vytvorcaŭ ničym nie budzie spryjać jaje spravie».
Siońnia ž Vienhryja pašyryła pieralik zabaronienych da ŭvozu katehoryj ukrainskaj sielhaspradukcyi, dadaŭšy vino, chleb, cukar i miod.
U Jeŭrakamisii nastojvajuć, što hetyja dziejańni niezakonnyja, pakolki mytnaja palityka źjaŭlajecca kampietencyjaj usiaho Jeŭrasajuza.
Jeŭrakamisija vystupiła suprać zabarony na impart ukrainskaha zbožža ŭ Polšču i Vienhryju