Prapahandyst Siarhiej Markaŭ z honaram zapościŭ prysiahu syna Piaskova, nie zaŭvažyŭšy, što heta syn Parašenki
Viadomy rasijski palitołah-prapahandyst Siarhiej Markaŭ zapościŭ u svoj telehram-kanał fota, na jakim małady čałaviek u formie prymaje vajskovuju prysiahu, i supravadziŭ jaho podpisam, ź jakoha vynikała, što hety čałaviek — syn pres-sakratara Pucina Dźmitryja Piaskova. Ale pafas nieŭzabavie źmianiŭsia na kanfuz.
22.04.2023 / 20:09
Nie treba było być vialikim admysłoŭcam, kab zaŭvažyć, što na vokładcy z tekstam prysiahi — ukrainski tryzub, na zadnim płanie — ukrainski palityk Piatro Parašenka, a čałaviek, jaki prynosić prysiahu — jahony syn Alaksiej.
Zdymak byŭ zrobleny ŭ dalokim 2007 hodzie, kali Parašenku było jašče daloka da prezidenctva, a pracavaŭ jon tady na pasadzie staršyni Naziralnaj rady Nacyjanalnaha banka Ukrainy.
Čytačy kanała Markava niesupadzieńnie zdymka i podpisu pad im adrazu zaŭvažyli, u vyniku prapahandyst post vydaliŭ i paabiacaŭ razabracca.
Čytajcie taksama:
Jak pasvarylisia prapahandyst SB, viadučaja kanała HUBAZiKa i sakratarka «Biełaj Rusi»
«Nas nie zapuhať». Voś chto stvaraŭ prałukašenkaŭskija stykierpaki ŭ telehramie