Ukrainskija siły vysadzilisia na levym bierazie Dniapra ŭ Chiersonščynie — ISW
Instytut vyvučeńnia vajny śćviardžaje, što ŭkrainskija siły zaniali pazicyi na levym bierazie Dniapra ŭ Chiersonskaj vobłaści, ale maštaby hetaha pakul nieviadomyja.
23.04.2023 / 07:56
Chiersonskaja vobłaść. Fota: wikimapia.org
Analityki instytuta ŭ novaj spravazdačy zajavili, što rasijskija «vajenkary» padali dastatkova hieahrafična pryviazanych videamateryjałaŭ i tekstavych paviedamleńniaŭ, jakija pacviardžajuć, što ŭkrainskija siły zaniali pazicyi na ŭschodnim bierazie Chiersonskaj vobłaści.
«Hieałakacyjnyja kadry, apublikavanyja rasijskim błohieram 22 krasavika, pakazvajuć, što ŭkrainskija siły zaniali pazicyi na bierazie Dniapra na poŭnač ad Alešak (7 km na paŭdniovy zachad ad Chiersona) i prasunulisia da paŭnočnaj uskrainy nasielenaha punkta na trasie Je97, a taksama na zachad ad Dačy (10 km na poŭdzień ad Chiersona).
Hetyja kadry taksama pakazvajuć na toje, što rasijskija vojski mohuć nie kantralavać vyspy na rekach Konka i Čajka, raźmieščanyja mienš čym u paŭkiłamietry da poŭnačy ad hieołokacyjnych pazicyj ukrainskich vajskoŭcaŭ u Antonaŭskaha mosta », — havorycca ŭ spravazdačy ISW.
U instytucie adznačyli, što 20 i 22 krasavika rasijskija «vajenkary» śćviardžali, što ŭkrainskija siły ŭtrymlivajuć pazicyi na ŭschodnim bierazie Chiersonskaj vobłaści ŭžo niekalki tydniaŭ, ustanavili stabilnyja linii zabieśpiačeńnia da hetych pazicyj i rehularna ažyćciaŭlajuć vyłazki, što pakazvaje na adsutnaść rasijskaha kantrolu nad hetym rajonam.
Akramia taho, stała viadoma, što rasijskija zachopniki patrabujuć ad žycharoŭ levaha bieraha Chiersonskaj vobłaści, jakija pražyvajuć uzdoŭž Dniapra, pakinuć damy i zjechać z rehijona. Pra heta paviedamiŭ «Centr nacyjanalnaha supracivu».«U Novaj Kachoŭcy i pht. Dniaprianie akupanty paviedamili miascovym žycharam, što tyja, chto pražyvaje na pieršaj bierahavoj linii Dniapra, pavinny terminova pakinuć žyllo».
Pa danych CNS, vorah raźmiaščaje vajennuju techniku ŭ žyłych rajonach hetych nasielenych punktaŭ.
19 krasavika namieśnica ministra abarony Ukraina Hanna Malar zajaviła, što «kontrnastupleńnie na ŭschodzie ŭžo idzie». «USU na siońnia nie rychtujuć niešta adno ŭ niejkim kankretnym kirunku, a treba razumieć, što USU štodnia rychtujucca da poŭnaha vyzvaleńnia našych terytoryj, a nie tolki kontrnastupleńnia…», — udakładniła jana.