U Hiermanii zvolnili hałoŭnuju redaktarku časopisa, jaki apublikavaŭ zhienieravanaje štučnym intelektam intervju z Šumachieram
Miedyjahrupa Funke, jakoj naležyć časopis Die Aktuelle, paviedamiła pra zvalnieńnie hałoŭnaj redaktarki En Chofman za publikacyju skandalnaha intervju ź siamirazovym čempijonam «Formuły-1» Michaelem Šumachieram, jakoje było zhienieravanaje štučnym intelektam.
23.04.2023 / 15:42
U pres-relizie Funke Mediengruppe materyjał nazvali biezhustoŭnym i takim, jaki nie adpaviadaje standartam žurnalistyki. «Hety artykuł nikoli nie pavinien byŭ źjaŭlacca», — zajaviła Bjanka Polman, vykanaŭčy dyrektar Funke.
Jana taksama pryniesła prabačeńni siamji Šumachiera, jakaja raniej płanavała padavać u sud.
15 krasavika na vokładcy časopisa Die Aktuelle była nadrukavanaja fatahrafija čempijona Formuły-1 z zahałoŭkam «Michael Šumachier: pieršaje intervju». Krynicaj intervju byŭ paznačany sajt, «jaki maje dačynieńnie da štučnaha intelektu».
Šumachier, siamirazovy čempijon «Formuły-1», u śniežni 2013 hoda atrymaŭ surjoznuju traŭmu, kali kataŭsia na łyžach u Alpach, i daktary, pakolki bajalisia za jaho žyćcio, uviali jaho ŭ stan štučnaj komy.