Kiraŭnik HUR Ukrainy Budanaŭ: Jadziernaha ŭdaru paśla deakupacyi Kryma nie budzie, rasijskaja prapahanda ŭžo rychtujecca da jaho straty
U intervju «RBK-Ukraina» kiraŭnik Hałoŭnaha ŭpraŭleńnia vyviedki Ministerstva abarony Ukrainy Kirył Budanaŭ padzialiŭsia bačańniem pavodzinaŭ Rasii ŭ vypadku zachodu USU ŭ Krym.
24.04.2023 / 12:21
Na pytańnie, ci nie budzie jadziernaha ŭdaru ŭ vypadku, kali USU zojduć u Krym, Budanaŭ adkazaŭ: «Nie budzie».
Na jaho dumku, rasijskaja prapahanda pakaža stratu Kryma jak «vymušany krok» — hetak ža, jak padčas deakupacyi Chiersona.
«Baluča heta pryznavać, ale treba skazać: ich prapahandysckaja mašyna padčas straty Chiersona maksimalna efiektyŭna siabie pakazała. Jany pakazali stratu Chiersona — a heta było samaje vialikaje dasiahnieńnie tak zvanaj «śpiecyjalnaj vajennaj apieracyi» — prosta jak zvyčajnuju spravu.
Pryčym vyviernuli heta tak, što heta, u pryncypie, jašče i dobraja reč była dla ich. Heta značyć, jany ŭžo ŭsio napracavali. Madeli pa tym, jak adśviečvać naviny padčas padziej u Krymie — usie jany ŭžo jość, jany nam vydatna viadomyja. Paviercie, jany spracujuć na ich hramadstva.
I tut budzie vymušany krok i ŭvohule amal ščaście. Paviercie, tam prapahandysckaja mašyna pracuje jak uzor, heta realna ŭzor. Jany tak «abałvańvajuć» svajo nasielnictva, jak nichto ŭ śviecie nie moža», — skazaŭ Budanaŭ.