Łukašenka prapanavaŭ Izrailu adnavić avijazłučeńnie
Alaksandr Łukašenka pavinšavaŭ prezidenta Izraila Icchaka Hiercaha z 75-hodździem niezaležnaści hetaj dziaržavy.
26.04.2023 / 08:37
Aeraport Bien-Huryjona ŭ Tel-Avivie
U vinšavańni jon zhadaŭ uradžencaŭ Biełarusi, jakija spryčynilisia da vytokaŭ izrailskaj dziaržaŭnaści: Chaima Viejcmana, Mienachiema Biehina, Załmana Šazara, Icchaka Šamira, Šymona Pieresa.
Taksama Łukašenka zajaviŭ, što Biełaruś zacikaŭlena ŭ plonnych dvuchbakovych adnosinach i supracoŭnictvie: «Upeŭnieny, što dalejšaje ŭmacavańnie dvuchbakovych suviaziaŭ adpaviadaje ahulnym intaresam našych krain, tamu siońnia nieabchodna adnavić rehularnaje avijazłučeńnie pamiž Biełaruśsiu i Izrailem, jakoje źjaŭlajecca važnym faktaram pavyšeńnia efiektyŭnaści handlova-ekanamičnaha ŭzajemadziejańnia, zachavańnia mižasobasnych kantaktaŭ i kulturnych abmienaŭ».
«Biełavija» nie lataje ŭ Izrail z kanca maja 2022 hoda. Tady aeraport «Ben-Huryjon» admoviŭ kampanii ŭ absłuhoŭvańni rejsaŭ.