Łatvija nie dała vizu hałoŭnamu trenieru zbornaj Kazachstana. Pryčyna — jaho biełaruski pašpart
Zbornaja Kazachstana pa chakiei niezadoŭha da čempijanatu śvietu ŭ Ryzie była vymušanaja źmianić hałoŭnaha treniera, pakolki biełaruskamu śpiecyjalistu Andreju Skabiełku było admoŭlena ŭ atrymańni łatvijskaj vizy. Pra heta ŭ aŭtorak, 25 krasavika, paviedamiŭ kiraŭnik arhkamiteta Edhars Buncys.
26.04.2023 / 13:19
Fota: Hcbarys.kz
Arhanizatary čempijanatu śvietu pa chakiei vyrašyli admović va ŭdziele hramadzianam Rasii i Biełarusi, im nie buduć vydavacca łatvijskija vizy dla ŭjezdu ŭ krainu. Ale hetaje rašeńnie bolš za ŭsio paŭpłyvała na zbornuju Kazachstana, hałoŭnym trenieram jakoj da 14 krasavika byŭ biełarus Andrej Skabiełka.
U hetym siezonie jon kiravaŭ bazavym kłubam nacyjanalnaj zbornaj — nursułtanskim «Barysam». U vizach taksama było admoŭlena jašče dvum pradstaŭnikam trenierskaha štaba i piersanału kazachstanskaj kamandy.
14 krasavika chakiejnaja fiederacyja Kazachstana abviaściła hałoŭnym trenieram zbornaj krainy Hałyma Mambietałijeva, jaki ŭ 2018 hodzie taksama ŭznačalvaŭ jaje.
Čempijanat śvietu pa chakiei mieŭsia prajści pieršapačatkova ŭ Sankt-Pieciarburhu. Ale paśla taho, jak Rasiju i Biełaruś vyklučyli ź Mižnarodnaj fiederacyi chakieja pieršynstvo pastanavili pravieści ŭ Ryzie i Tampiere.
Žłobinski «Mietałurh» znoŭ staŭ čempijonam Biełarusi pa chakiei
Miedali na čempijanacie Biełarusi pa chakiei ŭručaŭ Mikałaj Łukašenka