U Polščy znajšli reštki «pavietranaha vajskovaha abjekta»
Abłomki lažali ŭ lesie za niekalki kiłamietraŭ ad Bydhašča (heta horad u centry Polščy, davoli daloki ad hranic z Ukrainaj). Pra heta paviedamiŭ hienieralny prakuror i ministr justycyi Polščy Źbihnieŭ Ziobra. Miesca zdareńnia ahladajuć vajskovyja ekśpierty i palicyja.
27.04.2023 / 10:09
Miesca zdareńnia znachodzicca pad horadam Bydhašč (160 km na poŭdzień ad Hdańska), pobač z nasielenym punktam Zamość.
Pa danych RMF FM, znojdzieny abjekt — rakieta kłasa «pavietra-ziamla».
«Spačatku padumali, što heta dron. Potym na im byli vyjaŭlenyja nadpisy na ruskaj movie», — paviedamlaje vydańnie. Aficyjna heta nie paćvierdžana.
U rakiety nie znojdzienaja bojehałoŭka, jaje šukajuć, piša vydańnie.