Міністр абароны Украіны лічыць, што чаканні ад контрнаступу «крыху перагрэтыя»
«Але гэта нармальна — чаканне поспеху», — мяркуе Аляксей Рэзнікаў.
27.04.2023 / 11:58
Аляксей Рэзнікаў. Фота: РБК-Украіна
Міністра абароны Украіны спыталі, ці згодны ён, што чаканні ў грамадстве ад контрнаступу «крыху перагрэтыя», і пытанне, хто «грэе больш»: украінскае грамадства, палітыкум або Захад, піша РБК-Украіна.
«Згодны, што чаканні перагрэтыя. Гэта дакладна перагрэта, усе хочуць чарговай перамогі. Раней не верылі ў перамогу. Раней хацелі, каб Украіна выжыла хоць неяк мінімальна, каб хоць нейкая частка Украіны захавалася. А калі УСУ паказалі поспехі, усе пачалі верыць у перамогу — пасля Змяінага, пасля Кіеўшчыны, Чарнігаўшчыны і Сумшчыны, пасля Харкаўшчыны, Херсона. Хочуць наступнай перамогі. Гэта нармальна, гэта эмоцыі — чаканне поспеху».
На пытанне, ці не бачыць ён шкоды ў гэтым, Рэзнікаў адказаў, што не можа гэта змяніць.
«Мая мама (псіхіятр і псіхатэрапеўт) заўсёды мне казала: «Калі ты не можаш змяніць абставіны, пастарайся змяніць сваё стаўленне да іх». Таму мы ўзгадняем з Генштабам і Ганна Маляр (намеснік міністр абароны Украіны) потым кажа: «Хлопцы, не завышайце ўласныя чаканні, каб потым не было расчаравання. Потым знервуецеся. Не ўсё так проста, гэта вайна. І мала таго, мы вам дакладна не скажам, калі, як і дзе».
Украіна рыхтуецца пачаць контрнаступ у маі — NYT
Украінскія сілы высадзіліся на левым беразе Дняпра на Херсоншчыне
«Контрнаступленне на ўсходзе ўжо ідзе» — намесніца міністра абароны Украіны