Łukašenka sprahnazavaŭ «žaleznuju dyktaturu»
Alaksandr Łukašenka padčas rabočaj pajezdki ŭ Homielskuju vobłaść aznajomiŭsia sa stvoranaj sistemaj pa ramoncie i adnaŭleńni staroj techniki i źviarnuŭ uvahu na pytańni dyscypliny, piša BiełTA.
28.04.2023 / 11:44
Fota: BiełTA
«Nadychodzić žaleznaja dyktatura! Zasiadzielisia ŭ Minsku. U Hrodnie pravodzim naradu: poŭny adryŭ urada ad hubiernataraŭ», — skazaŭ jon.
Što datyčyć adnoŭlenaj sielhastechniki, Łukašenka skazaŭ: «Sistema naładžana pravilna, hetym šlacham treba iści».
«Usiaho ŭ nas chapaje. U nas nie chapaje dyscypliny», — dadaŭ Łukašenka.
Dla žurnalistaŭ jon rastłumačyŭ, što havorka idzie pra techniku, jakaja prasłužyła ŭ haspadarkach 5-7 hadoŭ i jakuju «kinuli pad płot». «My pryniali rašeńnie z-pad płota dastać, adnavić i dać novaje žyćcio hetaj technicy», — adznačyŭ Łukašenka.