Śpiavak Illa Silčukoŭ, zvolnieny ź minskaha Opiernaha za ŭdzieł u pratestach, debiutuje ŭ La Scala

Adzin z samych viadomych biełaruskich opiernych śpievakoŭ Illa Silčukoŭ, jakoha ŭ 2020 hodzie zvolnili ŭ Biełarusi za hramadzianskuju pazicyju, u pačatku červienia ŭpieršyniu vystupić u znakamitym teatry La Scala ŭ Miłanie, paviedamlajecca na sajcie opiery.

28.04.2023 / 22:59

Fota: facebook.com/ilya.silchukov

«Ja vielmi rady abviaścić pra svoj majučy adbycca debiut u lehiendarnym teatry La Scala ŭ opiery Dvoržaka «Rusałka», — napisaŭ sam Silčukoŭ u fejsbuku.

Premjera opiery zapłanavanaja na 6 červienia. Illa Silčukoŭ vystupić tam u roli Palaŭničaha, a taksama vykanaje rolu Vodnika za svajho adsutnaha kalehu.

«Rusałka» češskaha kampazitara Antanina Dvoržaka — kazka pra nimfu, jakaja prymaje čałaviečaje abličča dziela kachańnia prynca, jaki zdradzić joj i raskajecca tolki paśla jaje śmierci.

Čytajcie taksama:

«Ja hladžu ŭ budučyniu z nadziejaj». Zorka biełaruskaj opiery Illa Silčukoŭ raskazvaje, jak sprabuje praciahnuć karjeru ŭ Amierycy

«Razam śpiavajem «Kupalinku». Zorka biełaruskaj opiery Illa Silčukoŭ pierajechaŭ u ZŠA i skaraje amierykanskuju publiku

Biełaruskaha dyryžora Adeskaj opiery zvolnili za hrupavoje fota z mužam Niatrebki

Nashaniva.com