Hihancki pažar u Sievastopali. Ukrainski bieśpiłotnik źniščyŭ reziervuary na armiejskaj naftabazie
Hubiernatar akupavanaha Sievastopala Michaił Razvažajeŭ paviedamiŭ nočču 29 krasavika, što na bierazie Kazackaj buchty harać reziervuary z palivam. Pryčynaj pažaru, pa jaho słovach, stała traplańnie bieśpiłotnika, paviedamlaje «Ukrainskaja praŭda».
29.04.2023 / 08:23
«Haryć reziervuar z palivam u rajonie vulicy bratoŭ Manhanary ŭ Kazackaj buchcie. Pavodle papiaredniaj infarmacyi, uzharańnie adbyłosia praz traplańnie BPŁA. Na miescy pracujuć usie nieabchodnyja śpiecsłužby. Płošča pažaru kala 1000 kv m, pažaru prysvojeny 4 kłas», — napisaŭ jon.
Paźniej rasijskija ŭłady paviedamili, što źniščanyja čatyry reziervuary.