У цэнтры Кіева з'явіўся мурал з выявай расстралянага расіянамі ўкраінскага байца
У цэнтры Кіева на адным з адміністрацыйных будынкаў Вярхоўнай Рады з'явіўся мурал з надпісам «Слава Украіне! Героям слава», створаны французскім мастаком.
29.04.2023 / 13:41
Фота: Вярхоўная Рада
Аўтар прысвяціў мурал памяці ўсіх загінулых падчас вайны. На мурале адлюстраваны Герой Украіны Аляксандр Маціеўскі, які быў расстраляны расіянамі пасля слоў «Слава Украіне», паведамляе «Украінская праўда».
«Мы заўсёды павінны памятаць пра подзвіг кожнага нашага героя, кожнай гераіні, якія цаной усяго набліжаюць перамогу Украіны над жорсткім расійскім агрэсарам. І гэтая памяць павінна ўвекавечыцца з пакалення ў пакаленне», — падкрэсліў кіраўнік апарата Вярхоўнай Рады Украіны Вячаслаў Штучны.
Чытайце таксама:
З'явілася відэа з расстрэлам вайскоўца, які кажа «Слава Украіне». Што пра гэта вядома?
Забіты за фразу «Слава Украіне!» вайсковец аказаўся грамадзянінам Малдовы