«Božaja kara za Umań». Ukrainskaja raźviedka zajaviła, što ŭ Sievastopali źniščana dziesiać reziervuaraŭ z naftapraduktami
29.04.2023 / 14:15
Ukrainskaja raźviedka zajaviła, što ŭ Sievastopali źniščana dziesiać reziervuaraŭ z naftapraduktami dla Čarnamorskaha fłotu RF. Pra heta zajaviŭ pradstaŭnik Hałoŭnaha ŭpraŭleńnia raźviedki Minabarony Ukrainy Andrej Jusaŭ, piša «RBK-Ukraina».
Pavodle jaho słoŭ, u vyniku vybuchu ŭ Sievastopali 29 krasavika źniščana bolš za 10 reziervuaraŭ z naftapraduktami ahulnaj jomistaściu kala 40 tysiač ton.
Pradstaŭnik ukrainskaj raźviedki nazvaŭ vybuch «Božaj karaj, u tym liku za zabitych cyvilnych va Umani, siarod jakich piaciora dziaciej».
Andrej Jusaŭ zaklikaŭ žycharoŭ Kryma «nie znachodzicca pobač z vajskovymi abjektami» i abjektami, jakija zabiaśpiečvajuć rasijskuju armiju. Pavodle jaho słoŭ, źniščanyja naftapradukty pryznačalisia dla patreb Čarnamorskaha fłotu RF.
Ułady anieksavanaha Sievastopala śćviardžali, što praz ataku dronaŭ adbyŭsia pažar na naftabazie ŭ porcie, zaharelisia čatyry reziervuary. Pažar likvidavany.
Čytać taksama:
Hihancki pažar u Sievastopali. Ukrainski bieśpiłotnik źniščyŭ reziervuary na armiejskaj naftabazie
Rasijskaja rakieta trapiła ŭ šmatpaviarchovik va Umani. Zahinuli 23 čałavieki
Da pomnika Lesi Ukraincy ŭ Maskvie prynieśli kvietki ŭ pamiać ab zahinułych ukraincach