Zavieršanaja ratavalnaja apieracyja va Umani: 23 čałavieki zahinuli, siarod ich 6 dziaciej
29.04.2023 / 17:55
Pošukava-ratavalnaja apieracyja na miescy ŭdaru Rasii pa šmatpaviarchoviku va ŭkrainskim horadzie Umań Čarkaskaj vobłaści zavieršanaja. U vyniku ataki, jakaja adbyłasia 28 krasavika, zahinuli 23 čałavieki. Siarod ich 6 dziaciej, paranienyja 9 čałaviek, paviedamiŭ kiraŭnik MUS Ihar Klimienka.
Nastupstvy rasijskaj ataki va Umani. Rakieta trapiła ŭ žyły dom. Fota: MUS Ukrainy
Z 23 zahinułych 22 cieły dastali z-pad zavałaŭ, jašče adzin čałaviek pamior u balnicy. Siarod zahinułych — šaściora dziaciej: troje chłopčykaŭ (paŭtara, 16 i 17 hadoŭ) i try dziaŭčynki (8, 11 i 14 hadoŭ).
Usie zahinułyja na hety momant apaznanyja. Pracavaŭ śpiecyjalny štab, dzie svajaki mahli zdać bijałahičnyja ŭzory dla DNK-paraŭnańnia.
Vyratavanyja z-pad zavałaŭ 17 čałaviek.
Jašče dźvie žančyny ličacca źnikłymi bieź viestak.
«Usie słužby spracavali zładžana i efiektyŭna. Dziakuj ratavalnikam, palicejskim, rabotnikam kamunalnych słužbaŭ, dziasiatkam umančan, jakija dałučylisia da razboru abrušanaha doma. Rabota išła vielmi chutka, usie śpiašalisia. Da apošniaha spadziavalisia znajści pad zavałami žyvych ludziej», — adznačyŭ ministr.
Čytajcie taksama:
«Hłabalna my hatovyja». Reźnikaŭ raskazaŭ, kali pačniecca ŭkrainski kontrnastup