Danija akaža vajskovuju dapamohu Ukrainie
Danija pieradaść Ukrainie vajskovuju dapamohu na sumu 1,7 miljarda dackich kron (250 miljonaŭ dalaraŭ). Pra heta zajaviŭ ministr abarony krainy Troels Łund Poŭlsen, piša «Radyjo Svaboda».
03.05.2023 / 10:43
Danija pieradaść Ukrainie mašyny dla raźminiravańnia, bojeprypasy, palavyja masty i srodki dla supraćpavietranaj abarony. U paviedamleńni Minabarony krainy adznačajecca, što na hety momant heta najbujniejšy pakiet vajskovaj dapamohi z Danii, jon pryznačany dla padtrymki ŭkrainskaha nastupu.
«Novy pakiet vajskovych achviaravańniaŭ źjaŭlajecca našym najbujniejšym na siońniašni dzień, a ahulnaja padtrymka z boku Danii ciapier składaje amal 11 miljardaŭ dackich kron», — zajaviŭ ministr zamiežnych spraŭ Danii Łars Lokie Rasmusen.
Troels Łund Poŭlsen taksama adznačyŭ, što Danija z pačatku 2024 hoda skarocić svaju vajskovuju prysutnaść u Iraku i zamiest hetaha zasiarodzicca na krainach Bałtyi, prapanavaŭšy NATO bataljon dla abarony rehijona.
Čakajecca, što bataljon budzie naličvać ad 700 da 1200 sałdat i budzie dysłakavacca ŭ Łatvii ad čatyroch da šaści miesiacaŭ kožny hod. U astatni čas vojski buduć zastavacca ŭ Danii, hatovyja da pierakidańnia ŭ krainy Bałtyi ŭ vypadku kryzisu.