«Za toje, što ty, b****, ekstremist». Siłaviki chvalacca tym, jak žorstka zatrymlivajuć ludziej z-za palityčnych pohladaŭ
Kavałak žorstkaha zatrymańnia apublikavali prapahandysty, piša «Viasna». Na im siłavik nahoju ŭcisnuŭ tvar mužčyny ŭ asfalt.
03.05.2023 / 13:40
Na videa mužčyna pytaje, za što jon zatrymany. Jamu adkazvaje siłavik: «Za fłahi, za tiechosmotr — i za to, čto ty, b****, ekstriemist!»
Hołas siłavika pry hetym źmienieny.
Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu.
Z 2022 hoda, paśla napadu Rasii na Ukrainu, biełarusaŭ pačali pieraśledavać i za antyvajennyja vykazvańni abo simpatyi da Ukrainy.
Za hety čas u krainie adbyłosia nie mienš za 50 tysiač palityčna matyvavanych zatrymańniaŭ, zaviedziena nie mienš za 12 tysiač palityčna-kryminalnych spraŭ i adkinutyja navat samyja bazavyja normy zakonnaści i marali.