Litoŭskija čyhunki adchilajuć ad traciny da pałovy zajavak na pieravozki, źviazanych ź Biełaruśsiu
3.05.2023 / 19:57
Na minułym tydni kampanija-hruzapieravozčyk Litoŭskich čyhunak LTG Cargo atrymała ad klijentaŭ 744 zajaŭki na pieravozku hruzaŭ pamiž Litvoj i zamiežnymi krainami. 73 ź ich byli adchilenyja, prytym 22 tyčylisia ekspartu abo impartu ź Biełarusi ci ŭ Biełaruś, paviedamlaje Delfi.lt na padstavie pres-reliza kampanii.
Na minułym tydni byli adchilenyja zajaŭki na pieravozku 125 vahonaŭ z kukuruzaj. Akramia taho, kampanija adchiliła zajaŭki na pieravozku 70 vahonaŭ dla pieravozki kantejnieraŭ, 34 vahonaŭ z naftaj i naftapraduktami, 32 vahonaŭ z makuchaj i 19 vahonaŭ z vohnietryvałymi materyjałami, havorycca ŭ pres-relizie.
Usiaho z 1 sakavika kampanija LTG Cargo atrymała 6031 zajaŭku na pieravozku hruzaŭ, ź ich 1131 było adchilena: amal pałova z adchilenych tyčyłasia Biełarusi.
Čytajcie taksama:
Litva ŭzmocnić kantrol za dziŭnym tranzitam praź Biełaruś i Rasiju
Litva nie stała praciahvać režym nadzvyčajnaha stanovišča na miažy ź Biełaruśsiu
Litva paśpiachova pratestavała adklučeńnie ad adzinaj z Rasijaj i Biełaruśsiu enierhasistemy