Siońnia nočču ŭ Rasii hareli dva zavody naftapraduktaŭ
Zdareńni adbylisia ŭ Rastoŭskaj vobłaści i Krasnadarskim krai.
04.05.2023 / 07:42
Fota: Ukrainskaja praŭda
Adno z uzharańniaŭ adbyłosia ŭ rajonie vioski Kisialoŭka na Navašachcinskim zavodzie naftapraduktaŭ u Rastoŭskaj vobłaści;
«U kanstrukcyi mižcechavaj estakady zavoda ŭrezaŭsia bieśpiłotny latalny aparat, paśla čaho jon vybuchnuŭ. Ahoń, jaki ŭźnik u vyniku vybuchu, byŭ adrazu patušany. Pažarnyja da tušeńnia ŭzharańnia nie pryciahvalisia, hareńnie było likvidavanaje siłami słužbaŭ pradpryjemstva», — paviedamiŭ hubiernatar Vasil Hołubieŭ.
Pa jaho słovach, achviar i paciarpiełych niama, škoda zbudavańniam naniesienaja niaznačnaja.
Taksama ŭ noč na 4 maja hareŭ reziervuar z naftapraduktami na Ilskim naftapierapracoŭčym zavodzie ŭ Krasnadarskim krai. Hubiernatar Vienijamin Kandraćjeŭ paviedamiŭ, što płošča pažaru skłała 400 kv. m, aficyjnuju pryčynu ŭzharańnia rehijanalnyja ŭłady nie nazyvali. Krynica TASS u ekstrannych słužbach raspaviała, što pažar adbyŭsia paśla ataki bieśpiłotnika. Uzharańnie ŭžo likvidavanaje.
Čytajcie taksama:
Bieśpiłotnik atakavaŭ reziervuar z palivam u Krasnadarskim krai Rasii
U Branskaj vobłaści znoŭ zrabili paśpiachovuju dyviersiju na čyhuncy
Unačy rasijanie atakavali «Šachiedami» Ukrainu. Bolšaść dronaŭ źbili