«Tamiflu» pradajuć u minskich aptekach pa $40 i tolki pa receptach

U Biełaruś sa Šviejcaryi pastupiła 40 tysiač upakovak preparatu.

12.11.2009 / 12:21

U Maskvie hety supraćvirusny preparat kaštuje kala $60, u Varšavie — ad $40 da $60.

Efiektyŭny supraćvirusny preparat «Tamiflu» źjaviŭsia ŭ prodažy ŭ minskich aptekach, ale pradajecca tolki pa receptach, jakija ŭviali z‑za abmiežavanaj kolkaści «Tamiflu», a taksama dla taho, kab leki trapili tym, kamu jany sapraŭdy patrebnyja. Pra heta paviedamili ŭ minskim ofisie «Biełfarmacyi», jakoj naležyć sietka aptek.

U Biełaruś sa Šviejcaryi pastupiła bolš za 40 tysiač upakovak preparatu «Tamiflu».

Raniej jon pradavaŭsia pa 120 tysiač rubloŭ, a na kurs lačeńnia patrebnyja try ŭpakoŭki. Ciapier «Tamiflu» kaštuje ad 112 da 114 tysiač rubloŭ (kala 40 dalaraŭ). Dla paraŭnańnia, u Varšavie ŭ aptekach košty vahajucca ad 110 da 160 złotych (ad 40 da 60 dalaraŭ), u Maskvie — 1700‑1900 rasijskich rubloŭ (kala 60 dalaraŭ).

«Tamiflu» ŭžo pradajecca pa receptach u aptekach «Biełfarmacyi» № 57 (pr. Rakasoŭskaha, 114) i № 39 (vuł. K. Libkniechta, 118).

Jeŭraradyjo