Паліцэйскія паказалі абломкі збітых над Кіевам паветраных цэляў
Патрульныя паведамілі, што атрымлівалі шматлікія паведамленні аб падзенні абломкаў ноччу і раніцай. Прыбыўшы, інспектары, забяспечвалі ахову месца здарэння і выклікалі на месца следчых і выбухатэхнікаў, паведамляе «Украінская праўда».
04.05.2023 / 12:46
«Гэтыя фатаграфіі — наглядны прыклад таго, чаму ўсім вельмі рызыкоўна грэбаваць сігналамі паветранай трывогі», — гаворыцца ў паведамленні паліцыі.
Раней паведамлялася, што сілы супрацьпаветранай абароны збілі ўсе варожыя беспілотнікі і ракеты, якія гэтай ноччу атакавалі Кіеў.
Камандаванне паветраных сіл УСУ паведаміла, што ўкраінскія абаронцы гэтай ноччу знішчылі 18 ударных дронаў «Шахед» і разведвальны беспілотнік, усяго вораг выкарыстаў для нападаў да 24 «Шахедаў».
Чытайце таксама:
Уначы расіяне атакавалі «Шахедамі» Украіну. Большасць дронаў збілі