«Dzie, b***, bojeprypasy?». Pryhožyn pakazaŭ pole, uścielenaje trupami vahnieraŭcaŭ, i abmaciukaŭ Šajhu i Hierasimava
Zasnavalnik PVK «Vahnier» Jaŭhien Pryhožyn apublikavaŭ videa, u jakim pakazaŭ šerahi trupaŭ «vahnieraŭcaŭ» i publična abmaciukaŭ kiraŭnictva rasijskaj armii.
05.05.2023 / 08:15
Jaŭhien Pryhožyn. Skryšot videa
Na pieršych kadrach vidać, što Pryhožyn staić na adkrytaj miascovaści kala miortvych ciełaŭ. Kamiera pakazvaje dziasiatki miercviakoŭ, šeraham jakich nie vidna kanca.
«Heta čyjeści, b***, baćki, čyjeści syny. I tyja miarzotniki, jakija nie dajuć bojeprypasy, s**a, buduć u piekle žerci ich trybuchi, p****c. U nas niedachop bojeprypasaŭ 70%. Šajhu [ministr abarony Rasii], Hierasimaŭ [načalnik Hienštaba] dzie, b***, bojeprypasy? Pahladzicie na ich, s**a!» — kaža Pryhožyn u teatralnaj maniery, padobnaj da stylu niabožčyka Uładzimira Žyrynoŭskaha.
Pryhožyn zapatrabavaŭ ad Minabarony RF pastavić usie nieabchodnyja bojeprypasy, a taksama paviedamiŭ, što pry 100% pastaŭkach straty «vahnieraŭcaŭ» nižejšyja ŭ piać razoŭ.
Raniej, 3 maja, Jaŭhien Pryhožyn zajaviŭ, što dniom raniej vahnieraŭcy stracili 116 čałaviek zabitymi.
Ën i raniej dazvalaŭ sabie zajavy, jakija dla inšaha hramadzianina Rasii vyklikali b kryminalnuju spravu ab «dyskredytacyi armii».
Jaŭhien Pryhožyn — heta były kryminalnik, jakoha Uładzimir Pucin nabliziŭ da siabie i zrabiŭ miljarderam. Ën byŭ čałaviekam absalutna zaležnym ad Kramla, jakomu davieryli kiravać pryvatnaj vajskovaj kampanijaj «Vahnier», jakaja ŭjaŭlaje saboj ciapier adnu z samych bajazdolnych siłaŭ RF.
Šerah krain, u tym liku ZŠA, pryznali PVK «Vahniera» mižnarodnaj terarystyčnaj arhanizacyjaj.
Pa miery prabuksoŭvańnia vajny va Ukrainy, jakaja mieła stać viancom kiravańnia Uładzimira Pucina, Pryhožyn staŭ usio čaściej vychodzić u publičnuju śfieru.
29 krasavika Pryhožyn daŭ intervju, u jakim pahražaŭ adstupleńniem z Bachmuta, nazyvaŭ situacyju krytyčnaj.
Padčas razmovy kiraŭnik «Vahniera» zajaviŭ pra składanuju situacyju na froncie i značnyja prablemy rasijskaj armii i najmitaŭ z PVK.
Ź jaho słoŭ vynikaje, što rehularnaja rasijskaja armija znachodzicca ŭ žalu vartym stanie, a ruchajučaj siłaj prasoŭvańnia sił RF u Danieckaj i Łuhanskaj abłaściach źjaŭlajecca mienavita PVK «Vahnier».
Jašče raniej jon apublikavaŭ artykuł, u jakim zaklikaŭ abo abviaścić pra zakančeńnie «SVA», abo raspačać baraćbu z unutranymi vorahami.
Zasnavalnik hrupoŭki «Vahnier», adzin z samych davieranych ludziej Pucina, bačyć pahrozu raspadu Rasii ŭ vypadku niaŭdałaha praciahu vajennych dziejańniaŭ.
Pryhožyn miarkuje, što bolš realny inšy varyjant, što «ŭkrainskaja armija raspačnie kontrnastupleńnie i dzieści zdoleje prarvać abaronu».
«U hetym vypadku ŭ vojsku, jakoje hadami siabie ličyła adnym z najlepšych vojskaŭ śvietu, mohuć pačacca spačatku ŭpadnickija nastroi, a potym situacyja dehraduje, jak heta ŭžo było paśla prajhranych vojnaŭ pačatku XX stahoddzia — Finskaj, Japonskaj — i trahičnych padziej 1917 hoda».
«Heta moža pryvieści da hłabalnych źmienaŭ u rasijskim hramadstvie. Narod užo šukaje vinavatych u tym, što my nie samaja mocnaja armija ŭ śviecie, a ŭ hetaj situacyi buduć šukać «krajnich», — adznačaŭ Pryhožyn.
Čytajcie taksama:
«Usio pačałosia». Pryhožyn zajaviŭ, što USU pajšli ŭ nastupleńnie
Pryhožyn pahražaje adstupleńniem z Bachmuta, nazyvaje situacyju krytyčnaj