Vyjšaŭ na volu navukoviec Ihar Bortnik
Siońnia zranku paśla 38 sutak aryštu vyjšaŭ na volu kandydat fiłasofskich navuk z Navapołacka Ihar Bortnik.
06.05.2023 / 10:37
Ihar Bortnik byŭ zatrymany 29 sakavika padčas abłavy na supracoŭnikaŭ Połackaha historyka-kulturnaha zapaviednika, u jakim jon pracavaŭ paśla zvalnieńnia z Połackaha dziaržaŭnaha ŭniviersiteta.
Spačatku jamu prysudzili 10 sutak administracyjnaha aryštu, paśla — jašče 13 i 15. Sudzili navukoŭca kožny raz pa artykule 19.11 KaAP za raspaŭsiud «ekstremisckaj» infarmacyi.
U Ihara Bortnika surjoznyja prablemy sa zdaroŭjem. Niekalki miesiacaŭ da aryštu jon prachodziŭ doŭhuju i składanuju reabilitacyju paśla nie vielmi ŭdałaj apieracyi pa lačeńni mižpazvanočnaj hryžy, tamu źniavoleńnie ŭ zvyčajnych dla biełaruskaj turemnaj sistemy nialudskich umovach davałasia jamu asabliva ciažka, asabliva pry zabaronie na pieradačy.
Čytajcie taksama:
Mocna chvoramu navukoŭcu Iharu Bortniku dali jašče 15 sutak
U navukoŭca Ihara Bortnika za kratami značna pahoršyŭsia stan zdaroŭja
Prajšli pieratrusy i zatrymańni siarod połackich muziejščykaŭ