Na 9 Maja Rasija moža rychtavać pravakacyi, u tym liku i ŭ Biełarusi — HUR MA Ukrainy
Rasija časta vybiraje simvaličnyja daty dla ŭčynieńnia pravakacyj, tak moža być i 9 maja. Pra heta ŭ efiry telemarafonu zajaviŭ pradstaŭnik Hałoŭnaha ŭpraŭleńnia raźviedki Ministerstva abarony Ukrainy Andrej Jusaŭ.
07.05.2023 / 10:47
«Pačynajučy z 2014 hoda akupanty vykarystoŭvajuć padobnaha rodu pravakacyi, i nie vyklučana, što i zaraz my z hetym sutykniomsia. U hetaj situacyi pravakacyi mohuć być nakiravanyja rasijskimi śpiecsłužbami suprać rasijskaha hramadzianskaha nasielnictva i prymierkavanyja da peŭnych dat, naprykład, 9 Maja», — adznačyŭ pradstaŭnik HUR MA Ukrainy.
U toj ža čas Andrej Jusaŭ vykazaŭ mierkavańnie, što rasijanie mohuć nakiravać pravakacyi i suprać Biełarusi: takaja rasijskaja «apieracyja pad falšyvym ściaham» moža mieć na mecie ŭciahnuć biełaruskaje vojska ŭ vajnu suprać Ukrainy.
«Nichto ni va Ukrainie, ni ŭ astatnim śviecie ŭ padobnyja śpiektakli ŭžo nie pavieryć. Ale heta nie značyć, što pravakacyj nie budzie», — padkreśliŭ pradstaŭnik HUR MA Ukrainy Andrej Jusaŭ.