Dva bieśpiłotniki atakavali vajskovy palihon u Varoniežskaj vobłaści. Paciarpieła 14 vajskoŭcaŭ
Heta adbyłosia siońnia nočču, paviedamlaje «Baza».
10.05.2023 / 08:48
Bieśpiłotnik, što ŭpaŭ u Kurskaj vobłaści
Dva BPŁA, načynienyja vybuchoŭkaj, padlacieli da palihona i ŭzarvalisia pry padzieńni. Paciarpieła kala 14 vajskoŭcaŭ. Pavodle papiarednich źviestak, zahinułych niama.
Taksama paviedamlajecca, što ŭ Kurskaj vobłaści źbity bieśpiłotnik. Jaho abłomki ŭpali na pryvatny dom u vioscy Tałmačova. Paciarpiełych niama.
Jašče adzin bieśpiłotnik vybuchnuŭ i ŭ vioscy Alchavatka Biełharodskaj vobłaści. U vyniku vybuchu byli paškodžany dva damy, bibłijateka, pošta i aŭtamabil.