U Minsku sudziać inkasatara. Jaho zatrymali za dzień da adjezdu za miažu
U Minsku pačynajuć sudzić inkasatara Jana Papkoviča. Jan — były inkasatar Biełhazprambanka i eks-śpiecnazaviec, piša «Viasna».
10.05.2023 / 10:22
Mužčyna zvolniŭsia i źbiraŭsia razam z žonkaj i bratam Alesiem 3 vieraśnia 2022 hoda źjazdžać u Polšču, ale napiaredadni, 2 vieraśnia 2022 hoda, byŭ zatrymany hrupaj «Alfa». Padčas zatrymańnia Jana mocna źbili, taksama strełam paranili jahonaha sabaku.
Jana pakazvali ŭ niekalkich siužetach BT, dzie nazyvali jaho najmitam, jaki źbiraŭsia jechać na vajnu va Ukrainu. Mužčynu abvinavačvajuć pavodle art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak), a taksama č. 1 art. 13 i č. 1 art. 361-3 KK (padrychtoŭka da ŭdziełu hramadzianina Respubliki Biełaruś na terytoryi zamiežnaj dziaržavy va ŭzbrojenym farmavańni).
Sud nad palitviaźniem raspačynajecca siońnia, 10 maja. Spravu razhladaje suddzia Minharsuda Viera Hałaŭkova.
Padtrymajcie palitviaźnia: SIZA-1, 220030, Minsk, Vaładarskaha, 2, Jan Valerjevič Papkovič.