Piensijanier navodziŭ paradak na leciščy. Zhareła haspadarčaja pabudova, i ledź nie zhareŭ sam
Zdareńnie adbyłosia 9 maja ŭ vioscy Tarusičy ŭ sadovym tavarystvie «Pčołka», paviedamlaje błoh s13.ru.
10.05.2023 / 12:08
Ratavalnikam pryjšło paviedamleńnie, što haryć haspadarčaja pabudova. Kali supracoŭniki MNS prybyli na miesca, draŭlany budynak byŭ całkam achopleny połymiem.
Jak vyśvietliłasia paźniej, pabudova naležyć žycharu abłasnoha centra. Napiaredadni zdareńnia jaho baćka pryjechaŭ na lecišča, kab navieści paradak. Piensijanier spalvaŭ śmiećcie ŭ mietaličnaj bočcy. U niejki momant jon adchiliŭsia, a paryvy vietru pierakinuli ahoń na haspadarčuju pabudovu.
Mužčyna sprabavaŭ samastojna spravicca z uzharańniem, a susiedzi paviedamili pra zdareńnie ratavalnikam.
Kala 20 chvilin spatrebiłasia bajcam MNS, kab likvidavać pažar. Ahoń źniščyŭ pabudovu.
Pry sprobie samastojnaha tušeńnia piensijanier atrymaŭ termičnyja apioki, špitalizacyja jamu nie spatrebiłasia.
Čytajcie taksama:
U Sožy ŭ Słaŭharadzie patanuła piensijanierka
U Maładziečanskim rajonie karova pravaliłasia ŭ kałodziež
Dvoje dziaciej atrucilisia čadnym hazam u Hrodzienskim rajonie