U sudzie nad ekstradavanaj z Rasii Janaj Pinčuk źmianiłasia suddzia
Dziaŭčynie inkryminujuć piać artykułaŭ Kryminalnaha kodeksa.
10.05.2023 / 14:18
Jana Pinčuk
Sud nad Janaj raspačaŭsia 10 krasavika ŭ Minharsudzie. Dziaŭčynu ŭ žniŭni 2022-ha etapavali z Rasii ŭ Biełaruś, niahledziačy na zabaronu ekstradycyi Kamiteta pa pravach čałavieka AAN. Ciapier jaje abvinavačvajuć pavodle piaci artykułaŭ Kryminalnaha kodeksa, u tym liku ŭ «stvareńni abo kiraŭnictvie terarystyčnaj arhanizacyjaj». Spravu razhladajuć u zakrytym režymie, siońnia adbyvajecca 10-je pasiadžeńnie, piša «Viasna».
Pavodle materyjałaŭ śledstva, «Pinčuk bolš za hod zajmałasia dyskredytacyjaj aficyjnaj ułady ŭ internecie i zaklikami da ŭdziełu ŭ masavych akcyjach pratestu». Taksama paviedamlajecca, što Jana prachodzić pa troch epizodach, siarod jakich «pryčynieńnie škody nacyjanalnaj biaśpiecy i kiraŭnictva niezakonnym farmavańniem».
Viadoma, što ad 3 maja pa spravie źmianiłasia suddzia. Ciapier praces viadzie Luboŭ Simachina.
Padtrymajcie dziaŭčynu hrašovymi pieravodami, pasyłkami i telehramami: SIZA-1, 220030, h. Minsk, vuł. Vaładarskaha, 2.