Pravaabaroncy patrabujuć rasśledavańnia abstavin śmierci palitviaźnia Mikałaja Klimoviča
Biełaruskija pravaabarončyja arhanizacyi vystupili z sumiesnaj zajavaj u suviazi z čarhovaj śmierciu palityčnaha źniavolenaha ŭ Biełarusi.
10.05.2023 / 14:42
«Patrabujem praviadzieńnia rasśledavańnia pa fakcie śmierci Mikałaja Klimoviča i adsutnaści naležnaj miedyčnaj dapamohi ŭ kałonijach», — havorycca ŭ zajavie.
«Patrabujem ad supracoŭnikaŭ pienitencyjarnych ustanoŭ, inšych dziaržaŭnych ustanoŭ, jakija ažyćciaŭlajuć vymušanuju izalacyju, i ich kiraŭnictva prytrymlivacca Kanstytucyi Respubliki Biełaruś i mižnarodnych abaviazacielstvaŭ pa zabieśpiačeńni achovy žyćcia i zdaroŭja asob, jakija pazbaŭleny voli i znachodziacca ŭ izalacyi», — havorycca ŭ zajavie.
Pra śmierć 61-hadovaha Mikałaja Klimoviča stała viadoma 7 maja. Jaho asudzili na hod kałonii za łajk pad satyryčnaj karykaturaj pra Łukašenku.
«Luboje turemnaje źniavolvańnie dla mianie — heta śmierć, tamu što ja pavinien być pad pastajannym nahladam doktara, prymać vialikuju kolkaść mocnych lekaŭ. Ja mahu nie vytrymać navat miesiaca», — kazaŭ pinčuk pierad prysudam.
Čytajcie taksama: