«Izrail nie maje iluzij datyčna režymu Łukašenki». Śviatłana Cichanoŭskaja sustrełasia z pasłom Izraila
Pasoł Izraila ŭ Litvie Chadas Vitenbierh-Silvierštajn siońnia naviedała Ofis Śviatłany Cichanoŭskaj.
10.05.2023 / 15:37
Fota: pres-słužba Śviatłany Cichanoŭskaj
Padčas sustrečy abmiarkoŭvali situacyju z palitviaźniami ŭ Biełarusi, pahrozu raźmiaščeńnia jadziernaj zbroi, biełaruska-izrailskija kulturnyja suviazi i supracu Izraila z demakratyčnaj Biełaruśsiu. Pasoł raspaviała pra toje, što ŭžo robicca Izrailem u śfiery biełaruska-izrailskaj kultury, u tym liku pierakłady knih i inšaje, paviedamlaje pres-słužba Śviatłany Cichanoŭskaj.
«My adčuvajem padtrymku i razumieńnie z boku Izraila. My bačym hatoŭnaść Izraila da bolšaj supracy z demakratyčnaj Biełaruśsiu — tam niama iluzij datyčna režymu Łukašenki. Heta dobry znak», — skazała Śviatłana Cichanoŭskaja.
Raniej Izrail dałučyŭsia da jeŭrapiejskich sankcyj suprać režymu Łukašenki, a taksama vyrašyŭ nie dasyłać pasła ŭ Minsk.