Rasija denansuje Damovu ab zvyčajnych uzbrojenych siłach u Jeŭropie
Rasija denansuje Dahavor ab zvyčajnych uzbrojenych siłach u Jeŭropie (DZUSIE), paviedamiła ahienctva «RIA-Naviny» sa spasyłkaj na adpaviednaje rasparadžeńnie.
10.05.2023 / 15:54
Fota ilustracyjnaje
Damova ab zvyčajnych uzbrajeńniach u Jeŭropie była padpisanaja ŭ Paryžy ŭ 1990 hodzie pradstaŭnikami 16 dziaržaŭ, tahačasnych členaŭ NATA, i šaści ŭdzielnikaŭ Arhanizacyi Varšaŭskaj damovy, a ŭ 1999 hodzie na samicie ABSIE ŭ Stambule byŭ padpisany abnoŭleny varyjant pahadnieńnia.
Biesterminovaja damova mieła na mecie stvareńnie sistemy dla abmiežavańnia kolkaści zvyčajnych uzbrajeńniaŭ: tankaŭ, bajavych braniravanych mašyn, artyleryjskich harmat, bajavych samalotaŭ i ŭdarnych viertalotaŭ.
Adaptavanuju damovu ratyfikavała tolki čatyry krainy: Rasija, Biełaruś, Kazachstan i Ukraina, — choć dakumient padpisali pradstaŭniki tryccaci dziaržaŭ.
U 2007 hodzie Rasija abviaściła ab maratoryi na vykanańnie ŭmoŭ pahadnieńnia «da taho času, pakul krainy NATA nie ratyfikujuć pahadnieńnie ab adaptacyi i nie pačnuć dobrasumlenna vykonvać hety dakumient».
U 2015 hodzie Rasija taksama prypyniła svoj udzieł u pasiadžeńniach sumiesnaj kansultatyŭnaj hrupy pa DZUSIE, zaviaršyŭšy takim čynam praces prypynieńnia svajho siabroŭstva ŭ damovie, ale čysta jurydyčna praciahvała zastavacca ŭ joj. Z taho času intaresy Rasii ŭ hetaj hrupie pradstaŭlała Biełaruś.
Hladzicie taksama:
Rasija siońnia ŭdaryła pa centry Chiersona
Rasijskija hastralory inscenirujuć antyŭkrainskija mitynhi ŭ Jeŭropie — Le Monde