Fihurantaŭ «spravy prafsajuzaŭ» pieraviali ŭ kałonii
Pravaabaroncy daviedalisia, što asudžanyja pa «spravie prafsajuza REP» palitźniavolenyja Vasil Bieraśnieŭ, Hienadź Fiadynič i Vacłaŭ Areška ŭžo pieraviedzienyja dla adbyćcia pryznačanaha im pakarańnia ŭ kałonii.
10.05.2023 / 20:38
Prysud traim palitźniavolenym byŭ vyniesieny 5 studzienia. Fiadyniču i Bieraśnievu pryznačyli 9 hadoŭ kałonii, a Arešku — 8 hadoŭ kałonii.
31 sakavika ŭ Viarchoŭnym sudzie pačali razhladać apielacyjnyja skarhi palitviaźniaŭ. U vyniku sudovaja kalehija pakinuła prysud bieź źmien, a skarhi — biez zadavalnieńnia.
Ciapier stała viadoma, što niadaŭna lidaraŭ niezaležnaha prafsajuznaha ruchu pieraviali ŭ kałonii: Fiadyniča — u babrujskuju kałoniju № 2, Bieraśnieva — u mahiloŭskuju kałoniju № 15, a Arešku — u škłoŭskuju kałoniju № 17.
Čytajcie taksama:
Na «prafiłaktyčnyja hutarki» ciapier vyklikajuć i ŭ rajvykankamy
Palitviaźnia Mikałaja Klimoviča pachavajuć 12 maja na pinskich mohiłkach
Va ŭdzielnika hurta Tor Band za kratami zdaryŭsia recydyŭ ankałohii, jon nie moža chadzić