Na Kamčatcy dvuch vajskoŭcaŭ pakarali kałonijaj za admovu vajavać va Ukrainie
Ich pryznali vinavatymi ŭ nievykanańni zahadu kamandavańnia ŭ pieryjad mabilizacyi.
11.05.2023 / 12:50
Rasijskija mabilizavanyja. Fota ilustracyjnaje
Na Kamčatcy ŭ Rasii vajskovy sud asudziŭ da dvuch z pałovaj hadoŭ kałonii ahulnaha režymu dvuch vajskoŭcaŭ, jakija admovilisia jechać na vajnu va Ukrainu, paviedamlaje «Ukrainskaja praŭda».
Vajskoviec Alaksandr Ściapanaŭ admoviŭsia jechać va Ukrainu 18 studzienia 2023 hoda, znachodziačysia ŭ štabie adnoj z vajskovych častak na Kamčatcy.
Druhi vajskoviec, Andrej Michajłaŭ 21 studzienia admoviŭsia vykonvać anałahičny zahad kamandzira, znachodziačysia ŭ kłubie adnoj z vajskovych častak Pietrapaŭłaŭska-Kamčackaha.
Ich pryznali vinavatymi ŭ nievykanańni zahadu kamandavańnia ŭ pieryjad mabilizacyi.
Ź vieraśnia 2022 hoda da kanca krasavika 2023 hoda ŭ rasijskija vajskovyja sudy pastupiła 1064 kryminalnych spravy ŭ dačynieńni da vajskoŭcaŭ, jakija samavolna pakinuli miesca słužby, admovilisia vykonvać zahad abo dezierciravali.
U vieraśni 2022 hoda Uładzimir Pucin padpisaŭ zakon ab papraŭkach u Kryminalny kodeks, jakija pavialičyli turemnyja terminy za pakidańnie miesca słužby i deziercirstva va ŭmovach bajavych dziejańniaŭ i mabilizacyi. Pieršaja kryminalnaja sprava była raspačataja ŭ śniežni 2022 hoda ŭ Murmansku.