Pavierany ŭ spravach ZŠA ŭ Biełarusi sustreŭsia z žonkaj Statkieviča
Pra sustreču časovaha pavieranaha ŭ spravach ZŠA ŭ Biełarusi Rubena Aruciuniana z žonkaj palitźniavolenaha Mikałaja Statkieviča Marynaj Adamovič paviedamiła Ambasada ZŠA ŭ siabie ŭ tvitary.
11.05.2023 / 21:36
«Pavierany ŭ spravach Aruciunian sustreŭsia ŭ Minsku z Marynaj Adamovič, advažnaj i tryvałaj žonkaj źniavolenaha palityčnaha aktyvista Mikałaja Statkieviča. Maryna nie atrymlivała źviestak ad Mikałaja bolš za 8 tydniaŭ! Zaklikajem vyzvalić Mikałaja i jašče 1500 palitviaźniaŭ Biełarusi!», — paviedamiła ambasada.
Ad Mikałaja Statkieviča, asudžanaha łukašenkaŭskim sudom na 14 hadoŭ źniavoleńnia va ŭmovach uzmocnienaha režymu, žonka nie maje nijakich viestak užo 90 dzion.
Čytajcie taksama:
«90 biaskoncych dzion». Stolki času niama źviestak pra Mikołu Statkieviča
Režym maŭčańnia: ad Siarhieja Cichanoŭskaha try tydni niama nijakich navin
Padobna, što Statkievič, Znak i Łosik praciahły čas znachodziacca ŭ ŠIZA — pravaabaroncy