Інфляцыя ў Беларусі зноў запаволілася
За месяц цэны выраслі на 0,4%, а ў красавіку гадавая інфляцыя склала 4,7%, паведамляе Белстат. У сакавіку спажывецкія цэны выраслі на 0,6%.
13.05.2023 / 09:54
Фота ілюстрацыйнае. Наша Ніва
Паводле звестак Белстата, у красавіку 2023 года больш за ўсё ў параўнанні з сакавіком выраслі цэны на харчовыя тавары — на 0,6% (за год — на 6,1%). Кошт платных паслуг павялічыўся на 0,3% (за год — на 6,6%), нехарчовыя тавары сталі даражэйшымі на 0,1% (за год — на 1,6%).
З пачатку года прадукты падаражэлі на 3,6%, нехарчовыя тавары — на 1%, а паслугі — на 4,4%.