Va Ukrainie za chabar aryštavali staršyniu Viarchoŭnaha suda
Ukrainskija antykarupcyjnyja orhany zatrymali staršyniu Viarchoŭnaha Suda Ukrainy Usievałada Kniazieva pry atrymańni im chabaru, paviedamiła «Ukrainskaja praŭda» sa spasyłkaj na svaje krynicy ŭ pravaachoŭnych orhanach.
15.05.2023 / 23:20
Pavodle vydańnia, Nacyjanalnaje antykarupcyjnaje biuro Ukrainy i Śpiecyjalnaja antykarupcyjnaja prakuratura Ukrainy zadakumientavali atrymańnie chabaru pamieram kala 3 miljonaŭ dalaraŭ staršyniom Viarchoŭnaha Suda. Praciahvajucca śledčyja dziejańni.
NABU paćvierdziła, što vykrytaja «maštabnaja karupcyja ŭ Viarchoŭnym sudzie», a mienavita schiema atrymańnia niepravamiernaj vyhady kiraŭnictvam i sudździami. Detali ŭ NABU paabiacali dać paśla, ale ŭžo apublikavali fota hrošaj.
Usievaład Kniazieŭ kiruje Viarchoŭnym sudom Ukrainy z 1 śniežnia 2021 hoda. 25 maja jamu spoŭnicca 44 hady.
Čytajcie taksama:
Ukrainskaja mafija razarvała suviazi z rasijskaj. Nastupstvy adčuvajucca pa ŭsioj Jeŭropie
Aryštavany były kiraŭnik pradpryjemstva «Mator Sič» paprasiŭ abmianiać jaho ŭ Rasiju