«Ničoha ŭ praktyčnym sensie nie było zroblena». Pradstaŭnik Biełarusi pry AAN raskazaŭ, što ciapier adbyvajecca z raźmiaščeńniem jadziernaj zbroi
Praktyčnych krokaŭ pa raźmiaščeńni rasijskaj taktyčnaj jadziernaj zbroi ŭ Biełarusi pakul nie rabiłasia, zajaviŭ siońnia padčas debataŭ pastajanny pradstaŭnik Biełarusi pry AAN Valancin Rybakoŭ.
16.05.2023 / 23:31
Valancin Rybakoŭ
«Hetaja abjava ab raźmiaščeńni taktyčnaj jadziernaj zbroi ŭ Respublicy Biełaruś — pierš za ŭsio, prosta zajava. Ničoha ŭ praktyčnym sensie nie było zroblena ŭ hetym dačynieńni», — skazaŭ Rybakoŭ.
Pry hetym jon zajaviŭ, što raźmiaščeńnie jadziernaj zbroi na svajoj terytoryi — heta, maŭlaŭ, suvierennaje rašeńnie luboj krainy, kab abaranić siabie ad vyklikaŭ i pahroz.
Raniej Uładzimir Pucin paviedamiŭ, što schovišča dla zachoŭvańnia jadziernych rakiet na terytoryi Biełarusi budzie, maŭlaŭ, hatovaje da 1 lipienia 2023 hoda. Zbroju źbirajucca raźmiaščać nibyta pa prośbie Łukašenki, ale kantrol i kiravańnie joj zastaniecca za Rasijaj.
Čytajcie taksama:
G7: Pahroza raźmiaščeńnia jadziernaj zbroi ŭ Biełarusi nieprymalnaja
U Biełarusi moža źjavicca i stratehičnaja jadziernaja zbroja — Chrenin
Biełaruskija vajskoŭcy prajšli padrychtoŭku pa śpiecyjalnym prymianieńni šturmavikoŭ Su-25
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»