Sprabavali vykraści syna premjer-ministra Armienii
Pra toje, što syna premjer-ministra Armienii Nikoła Pašyniana Ašota Pašyniana siońnia nibyta sprabavali vykraści, paviedamlajuć armianskija ŚMI.
17.05.2023 / 15:57
«Siońnia kala 15:00 syna premjer-ministra Armienii Ašota Pašyniana sprabavali vykraści z terytoryi pobač z domam. Pa papiarednich źviestkach, udzielnikami biespaśpiachovaha vykradańnia źjaŭlajucca členy hramadskaj arhanizacyi «Klič synoŭ» (stvorana baćkami vajskoŭcaŭ, što zahinuli ŭ Karabachskaj vajnie vosieńniu 2020 hoda).
Jany prymusili Ašota Pašyniana sieści ŭ aŭtamabil, adnak jamu ŭ niejki momant udałosia vyskačyć z mašyny, paśla čaho syna premjera źbiŭ aŭtamabil toj ža arhanizacyi, jaki ruchaŭsia zzadu», — paviedamiła hazieta «Ajkakan žamanak», blizkaja da siamji premjera.
U vyniku syn armianskaha premjera paškodziŭ nahu, jon źviarnuŭsia ŭ palicyju.
Čytajcie taksama:
Armienija zabłakavała dla Rasii mahčymaści abychodzić zachodnija sankcyi
Pašynian zajaviŭ, što jaho tryvožyć «sychod ADKB z Armienii»
Pašynian abvinavaciŭ rasijskich miratvorcaŭ u biaździejnaści