Anarchista Dźmitryja Duboŭskaha paśla 2 miesiacaŭ u ŠIZA adpravili ŭ PKT
U listapadzie Dźmitryju prysudzili 5 hadoŭ kałonii. Pakolki raniej Duboŭskaha ŭžo asudzili da 18 hadoŭ kałonii, kančatkova jamu pryznačyli 20 hadoŭ źniavoleńnia.
18.05.2023 / 12:09
Dźmitryj Duboŭski ŭ sudzie 15 listapada. Kadr ź videa praŭładnych telehram-kanałaŭ
Dźmitryja abvinavačvali pavodle padziej u Minsku i Salihorsku ŭ 2009 i 2010 hadach. 25 lutaha palitviazień pačaŭ adbyvać termin u papraŭčaj kałonii №3, piša «Viasna».
Rodnym palitviaźnia dniami dajšoŭ list ad jaho. Jon paviedamiŭ, što amal 2 miesiacy jaho ŭtrymlivali ŭ ŠIZA, a z 3 traŭnia jaho na try miesiacy źmiaścili ŭ PKT. Za ŭvieś čas u źniavoleńni jon adbyŭ 110 sutak u štrafnym izalatary.
Padtrymajcie palitviaźnia: PK № 3, 211322, Viciebskaja vobłaść, h.p. Vićba, Dźmitryj Mikałajevič Duboŭski.
Čytajcie taksama:
Padobna, što Statkievič, Znak i Łosik praciahły čas znachodziacca ŭ ŠIZA — pravaabaroncy
Režym maŭčańnia: ad Siarhieja Cichanoŭskaha z 10 sakavika niama nijakich navin