U kožnym rajonie Homiela płanava staviać kantrolna-prapusknyja błokpasty
U kožnym rajonie Homiela staviacca kantrolna-prapusknyja punkty ŭ ramkach płanavych vučebnych zboraŭ terabarony, paviedamiŭ 19 maja ŭ telehram-kanale staršynia Homielskaha harvykankama Uładzimir Pryvałaŭ.
19.05.2023 / 20:43
Fota: t.me/VAPrivalov
«U Homieli z 11 maja prachodziać płanavyja vučebnyja zbory terytaryjalnaj abarony. Na zaviaršalnym etapie zboraŭ vajennaabaviazanyja biaruć udzieł u kamandna-štabnych vučeńniach, padčas jakich padraździaleńniam terytaryjalnych vojskaŭ treba budzie achoŭvać abjekty žyćciezabieśpiačeńnia. U suviazi z hetym u kožnym z rajonaŭ abłasnoha centra na adpaviednych zadumam vučeńniaŭ vulicach arhanizujucca kantrolna-prapusknyja punkty», — napisaŭ Pryvałaŭ.
Čynoŭnik padkreśliŭ, što zbory skončacca 2 červienia.
Pra ŭstalavańnie błokpastoŭ u Homieli raniej taksama paviedamlała miascovaje vydańnie «Fłahštok».
«Na miescy kala dziesiaci sałdat US Respubliki Biełaruś. Jany nosiać z hruzavika miaški ź piaskom i abstaloŭvajuć błokpost. Błokpasty z učarašniaha dnia taksama ŭstalavanyja na terytoryi Homielskaha chimzavoda. Zaraz mantujecca post na vyjeździe z Homiela pa trasie R-30 (u bok vioski Pakalubičy)», — adznačaŭ «Fłahštok».
Čytajcie taksama:
Za 20 km ad miažy z Ukrainaj u Biełarusi budujuć umacavańni z «zuboŭ drakona» — «Biełaruski Hajun»
U mai Minabarony znoŭ praviadzie vučeńni. Pryzavuć tysiaču čałaviek z zapasu