Adnapartyjcy admovilisia zaprašać Šrodera na jubilej jaho partyi
U hetym hodzie Sacyjał-demakratyčnaj partyi Hiermanii (SDPH) spaŭniajecca 160 hadoŭ. Heta najstarejšaja partyja krainy, la vytokaŭ jakoj stajali Fierdynand Łasal, Vilhielm Libkniecht, Aŭhust Biebiel.
20.05.2023 / 12:22
Hierchard Šroder. Fota: Dmitry Lovetsky / AP
Pry Bismarku i Hitleru jana była zabaroniena, a ŭ FRH doŭhija hady znachodziłasia ŭ apazicyi Chryścijanska-demakratyčnamu sajuzu. Ciapier SDPH uznačalvaje kiroŭnuju ŭ krainie kaalicyju, piša Bild.
Paśla skandału z naviedvańniem ambasady RF 9 maja šerah sacyjał-demakrataŭ prapanavaŭ vyklučyć Šrodera z partyi.
Arbitražnaja kamisija SDPH adchiliła hetuju inicyjatyvu. Ale eks-kanclera nie stali zaprašać na jubilejnyja ŭračystaści ŭ Bierlinie 23 maja.
Hienieralny sakratar SDPH Kievin Kiuniert prosta zajaviŭ, što heta źviazana z naviedvańniem Šroderam ambasady RF i «blizkaściu da raspalvalnika vajny i ahresara».
Pry hetym Šrodera možna budzie ŭbačyć 23 maja ŭ roliku pra historyju SDPH. Pa słovach Kiunierta, eks-kancler zastajecca «častkaj sacyjał-demakratyčnaj historyi», a «razryŭ z Hierchardam Šroderam — heta nie histaryčny, a sučasny razryŭ».
Čytajcie taksama:
«Kali Šroder byŭ kancleram, Pucin razmaŭlaŭ ź im jak ź dzienščykom»
Ad Hiercharda Šrodera syšli ŭsie supracoŭniki jaho biuro eks-kanclera
U Niamieččynie zvolnili žonku Šrodera paśla śviatkavańnia imi 9 Maja ŭ pasolstvie Rasii