Zialenski ŭ Chirasimie sustreŭsia z premjeram Indyi
U adroźnieńnie ad bolšaści krain śvietu, Indyja pa-raniejšamu nie vystupiła ź biezumoŭnym asudžeńniem rasijskaha ŭvarvańnia va Ukrainu.
20.05.2023 / 14:24
Skrynšot videa sustrečy z telehrama Uładzimira Zialenskaha
«U ramkach vizitu ŭ Japoniju i ŭdziełu ŭ samicie krain G7 sustreŭsia z premjer-ministram Indyi Narendra Modzi.
Padčas sustrečy raspavioŭ ab patrebach Ukrainy ŭ humanitarnym raźminiravańni i mabilnych špitalach. Padrabiazna prainfarmavaŭ Narendra Modzi ab inicyjatyvie ŭkrainskaj formuły miru i zaprasiŭ Indyju dałučycca da jaje realizacyi.
Vajna pryniesła šmat kryzisaŭ i pakut. Departavanyja dzieci, zaminiravanyja terytoryi, źniščanyja harady, razburanyja losy. Dziakuj Indyi za padtrymku terytaryjalnaj cełasnaści i suvierenitetu našaj krainy, u pryvatnaści, na placoŭkach mižnarodnych arhanizacyj, za akazańnie humanitarnaj dapamohi Ukrainie», — napisaŭ prezident Ukrainy ŭ telehram-kanale.
Čytajcie taksama:
Zialenski prybyŭ u Japoniju na samit «Vialikaj siamiorki»
Pajezdka Zialenskaha na samit Lihi arabskich dziaržaŭ — važnaja padzieja. I voś čamu