«Kali ŭ našym niebie zjaviacca F-16, heta vyznačyć architekturu biaśpieki śvietu» — Zialenski
Prezident Ukrainy Uładzimir Zialenski vystupiŭ pierad lidarami G7. Jon padziakavaŭ im za dapamohu. Asablivuju ŭvahu jon nadaŭ «pavietranamu ščytu» nad Ukrainaj.
21.05.2023 / 09:18
Prezident Ukrainy Uładzimir Zialenski vystupiŭ pierad lidarami G7 u Japonii. Fota: ofis prezidenta Ukrainy
Zialenski skazaŭ, što jon udziačny za rašeńnie ab padrychtoŭcy ŭkrainskich piłotaŭ na sučasnych źniščalnikach.
«Pavietrany ščyt moža być poŭnym tolki tady, kali naziemnyja sistemy supraćpavietranaj abarony buduć dapoŭnienyja sučasnymi samalotami ŭ pavietry. Ciapier my znachodzimsia na šlachu likvidacyi razryvu ŭ mahčymaściach.
Kali našy piłoty vyvučać F-16 i kali hetyja mašyny zjaviacca ŭ našym niebie, heta budzie važna nie tolki dla Ukrainy. Heta budzie histaryčny momant dla ŭsioj architektury biaśpieki ŭ Jeŭropie i śviecie», — skazaŭ Zialenski.